日出

是咁的。話說有個細路知道太陽响東邊升起，而我哋住東邊可以睇到日出，於是成日話要睇日出。不過因為阿媽太懶瞓，所以一直無同佢起身睇。

呢個細路今朝天未光瀨濕咗張床，叫醒咗我。我清理好之後，啱啱瞓著之際，又比個細路嚇醒番。我啱啱阿火上身之際：

「媽咪！你睇下，好靚呀!我睇到日出喇！」

今日多雲，好快已經見唔到個太陽，不過都好靚。我哋揾日天氣好D再睇多次。