小學生

放假的最後一天，可能知道明天開始是個小學生了，今天表現特別乖：吃飯特別快，自己會執書包，也開始跟媽媽計劃日程：「媽咪，以後呢，我平時唔睇電視喇，淨係星期六、日先可以睇，咁爸爸一至五可以睇番自己鐘意嘅電視，不過星期六、日就比我睇我鐘意嘅。」

好好好！媽咪都係果句，只要你碗飯食快D，你其實有好多時間淨嘅。

媽媽跟盧雋一起讀學校通告，盧雋忽然要求搭校車。

「不過校車去唔到我哋屋企喎。」
「但係好多K3朋友都拾校車喎！」
「但係佢哋要好早起身喎，架校車要停好多個站所以要搭好耐，但係你搭媽咪校車得一個站就係學校。」

盧雋似乎滿意了。
「媽咪你有兩個站，因為你仲要返屋企。」

盧雋同學，爸爸媽媽祝你在小學裡有個愉快豐盛的旅程。

I love you

盧雋最近經常把I Love You掛在嘴邊。媽媽忍唔住要潑一個冷水。

「真正嘅愛唔洗成日講，係做出嚟嘅。」

然後盧雋就用手摯做咗I Love You出嚟。😅

其實你明唔明媽咪講咩？

往午飯途中。

「盧雋，知唔知點解媽咪唔想成日出街買嘢飲?」
「因為唗錢。」
「無錯！不過更重要係浪費咗多一個膠樽。」
「我可以用嚟做手工㗎！」
「雖然你用咗個樽，但係個樽都唔會因為咁消失㗎，你知唔知一個樽要幾多年先可以响地球上消失？」
「十年？」
「係四千年！即係盧雋死五十次同出世五十次個樽先可以完全消失。」
「咁點解一早要做咁多樽呀？」
「盧雋問得好好。因為之前D人覺得咁樣方便D，唔知道原來會害咗地球囉。」
「我都知道唔應該，不過有時真係好口渴。」
「水係應該飲多D嘅，所以我哋出街要帶水，真係有需要先買。」
「知道。」
「記得媽咪講嘅規矩一定有原因，所以要聽話，唔知點解就問。」
「我都知D規矩啦！例如唔好殺死媽咪啦！」

個對話好地地，點解要講個咁嘅例子呢？

自己造

今日行IKEA，路經相架部門，媽媽想起了要買一個相架把早前在市集畫的全家福裱起。於是隨手拿起了一個內有小矮人布娃娃的相架看了看，盧雋見到便說：「媽咪唔洗買啦，呢個我哋可以自己做㗎。」

聽到盧雋這樣說，媽媽很高興。因為盧雋明白不是每樣東西都一定是非用錢買不可。這兩年，媽媽也是盡量自己親手造物，既省錢，又環保，更是百分百自己喜愛的款式。自己親手造的，也不會輕易放棄。

希望盧雋長大後會記得這個道理。

睇閃電

「媽咪，我尋晚成晚無瞓呀！」
「咁你做咩呀？」
「我起身睇閃電呀！睇咗成晚呀！」

這小鬼究竟是什麼時候半夜起來不用叫媽媽的呢？

跟媽媽返學

盧雋的暑假，其中一個活動就係同媽咪返學。

話說媽媽參加了一個社會創新工作坊，暑假的大部份星期四晚上都要上堂。原本媽媽是計劃在上堂前先把盧雋送到嫲嫲爺爺家，然後自己去上堂。後來媽媽邀請了表哥一起，盧雋又想跟著媽媽。幸好課堂不太嚴肅，亦問了工作人員可以帶孩子，於是盧雋便跟媽媽一起上課了。

課堂的頭一個小時是分享，後個半小時是小組討論。盧雋每次都很合作，有時自己畫畫；有時留心聽；坐得不耐煩，也會走來走去，但都是靜靜的。小組討論時，媽媽自己在討論，讓盧雋自己在玩，盧雋間中會高高興興跑到媽媽身邊，告訴媽媽其他小組的姐姐邀請他參加活動；或者把房間中的龍貓公仔搬過來分享區扮開會。工作坊的内容雖然對盧雋來說太深了，不過原來盧雋也有聽進耳裡，會問媽媽一些自己聽得明的問題。

媽媽很感恩可以把盧雋帶到媽媽上課的地方，讓盧雋也可以參與媽媽的活動，明白媽媽照顧家庭以外的世界。

Dory

盧雋今晚刷刷下牙，無端端嘟起棚牙，然後叫媽咪睇：「你睇下我幾似Dory!」

媽媽笑了，然後回到房間，盧雋又在厠所大叫：「媽咪，我覺得你好似Dory！你同佢一樣都係無記性，如果你盪失路就會唔識返屋企。」

😤😤😤😤😤

想念好友

前幾天盧雋臨瞓前問「我哋係咪以後都見唔到Caden㗎嗱?」

儍豬，梗係唔會啦！如果有心要見一個人，咪主動D約囉。

所以連續兩天，我哋都約咗盧雋嘅好朋友溜冰同食lunch。希望第時就算小學唔响同一間學校，都可以同自己喜愛嘅朋友保存住呢份純真嘅友誼。