往午飯途中。

「盧雋，知唔知點解媽咪唔想成日出街買嘢飲?」
「因為唗錢。」
「無錯！不過更重要係浪費咗多一個膠樽。」
「我可以用嚟做手工㗎！」
「雖然你用咗個樽，但係個樽都唔會因為咁消失㗎，你知唔知一個樽要幾多年先可以响地球上消失？」
「十年？」
「係四千年！即係盧雋死五十次同出世五十次個樽先可以完全消失。」
「咁點解一早要做咁多樽呀？」
「盧雋問得好好。因為之前D人覺得咁樣方便D，唔知道原來會害咗地球囉。」
「我都知道唔應該，不過有時真係好口渴。」
「水係應該飲多D嘅，所以我哋出街要帶水，真係有需要先買。」
「知道。」
「記得媽咪講嘅規矩一定有原因，所以要聽話，唔知點解就問。」
「我都知D規矩啦！例如唔好殺死媽咪啦！」

個對話好地地，點解要講個咁嘅例子呢？