Wednesday, June 29, 2016

義氣仔女

放學後的半小時play time。

孩子們正跑得高興,突然善臻的哥哥打了善臻一巴掌。善臻傷心得哭了,朋友們都走到善臻身邊出言安慰他,盧雋也在一旁,不發一言,然後繑起雙手,一個箭步走到哥哥面前說:「你要同善臻講Sorry。」哥哥不理他,盧雋繼續講。最後,一共講了六次,哥哥還是沒有理他。

媽媽看在眼內,感動了。盧雋不善於用言語表達關心,行動卻表達了。

Tuesday, June 28, 2016

爸爸論

「媽咪呀!我大個咗想做一個爸爸。」

盧雋突然响車度說起我的志願。媽媽心諗,盧雋一定係覺得爸爸做咗D好事,所以先要做爸爸。

「點解你想做爸爸呢?」

「因為星期六日唔洗返工囉!」

Sunday, June 26, 2016

澳門二

澳門第三天,爸爸一早回港上班,我們留低繼續玩。

在酒店吃過早餐,便帶盧雋去Anson的酒店,交給Auntie Alice,帶你到天浪淘園water park,媽媽便趁機休息一下。

午飯的時候,我們再會合。然後送他們到8字摩天輪。盧雋在門口依依不捨地跟Anson道別,然後拖著媽媽走了。

離開時,媽媽問:「澳門好玩嗎?」「好玩!」「咁如果無Anson呢?」「唔好玩!」

其實跟好朋友在一起,應該甚麼地方也變得好玩吧!

後記:因為節約能源,媽媽主張在夏天不開熱水爐,冲凍水凉。回家後,爸爸告訴媽媽,盧雋在酒店冲凉時,知道有熱水好開心,大叫:「太好嗱!有熱水!我想以後住酒店!」

Saturday, June 25, 2016

澳門一

因為得到兩晚在澳門St. Rigis 的免費酒店,所以我們這個周末在澳門渡過。

雖然香港跟澳門相隔只有一小時的船程,但爸爸媽媽已經有六七年沒到過澳門。對上一次大概是看演唱會的即日來回trip。多年以後,澳門已經變得很不一樣了。這個小小的地方,不但多了很多酒店、景點、餐廳、大型演出等,給孩子的活動也特別多。

今次是盧雋第一次到澳門。本來盧雋因為這次旅程而不能參加Hayden的生日會而有點不高興。後來知道Anson剛巧會在同一個周末去澳門而變得超興奮。

唔知係咪我哋平日旅行住嘅酒店太普通,盧雋一行入間酒店就話「嘩!呢間酒店黎㗎?好靚呀!」

今天第一天,行程不多,在酒店泳池玩了一會,看了大型表演水舞間,坐了8字摩天輪,盧雋便已累得在晚飯中途睡著了。

Friday, June 24, 2016

可愛對話

盧雋的眾多好友中,其中一位叫善臻。

善臻很聰明,人也善良,從來不跟人爭執。

上星期,學校畢業彩排,媽媽送兩個小朋友去會場。兩個男孩子在一起,大多數在搗蛋,這個男孩子,竟然跟盧雋說起新聞:

「Jun我講你知個新聞,有班小朋友,係K2嘅,佢哋去動物園,有個小朋友跌咗落Gorilla個籠度,隻Gorilla無傷害個小朋友,不過隻Gorilla就比大人傷害咗。」

「善臻我知有個新聞,有個小朋友玩水,有隻crocodile上嚟食咗個小朋友。」

「如果我係隻crocodile,我會上嚟食埋D大人。Jun你知唔知我好嘢蚊,D蚊响屋企淨係針我」

「咁會唔唔會針你媽咪?」

「唔會。佢淨係針我㗎,不過有時我會叫佢針我哥哥。」

「善臻你知唔知我屋企養咗一隻蚊,佢好大隻,佢都係淨係針我㗎。」

兩個男孩子, 就會這樣一直傾到落車。如果媽媽唔係揸緊車,一定會拍低你哋咁得意嘅對話。

Wednesday, June 22, 2016

論創造的神

「媽咪呀!我地點解要有生命嘅?」今日返學途中,盧雋考起了媽媽。

盧雋個樣懞懞地,但原來都會思考生存嘅問題。呢個問題太大,媽咪都唔知點答,於是諗咗個BB版答案。

「咁你過得開唔開心呀?」

「開心!」

「咁呢個就係你生存嘅原因喇。」

「咁咁開心點解我地得一條命嘅?」

「因為只有一條命,我哋先會好好珍惜同好好咁用。」

「咁神有無睇住我地?」

「有㗎!」

「咁我哋睇唔睇到佢?」

「睇唔到。」

「咁點樣佢睇到我哋,我哋睇唔到佢呀?佢响香港定其他地方㗎?咁太空佢睇唔睇到㗎?」

「都睇到㗎!神好似空氣咁,你見唔到佢,但係你知佢响度。」

「咁太空無空氣㗎喎!」

「即係好似空氣,但係神唔係空氣。」

「但係點樣佢係空氣又唔係空氣呀?」

咁啱到咗學校,救咗媽咪免於跌入呢條問題嘅輪迴式問答。不過盧雋你問得啱㗎!媽咪係時候開始要帶你返教會上主日學喇!

Monday, June 20, 2016

爸爸節

我們這一家,除聖誕外,沒有節日觀念。只要在一起便滿足了。

昨天是父親節,爸爸因參加朋友婚禮,所以在馬來西亞,晚上才到港。平日爸爸出差我們都不接機,不過因為是父親節,想早點跟爸爸見面,於是我們跟公公吃過晚飯慶祝,便到機場接機。

我們早到,在麥當勞邊等邊吃Macaroon。爸爸到了,盧雋跑到爸爸面前大叫Happy Father's Day,然後把學校做的手工咭送給爸爸。


這一刻,無價。

Friday, June 17, 2016

女神


學期接近尾聲,Viann還是盧雋的女神。

Viann一向是搭校巴的。不過今日放學,Viann爸爸到學校接她。盧雋見到,也懶理Caden同Louise在身邊玩,一直向著Viann的方向默默揮手,直到車子開走,視線才離開。

人細鬼大的孩子,才六歲,便這樣情深一片。

Thursday, June 16, 2016

功課

朝早做功課,無端端爬响房間嘅地下。媽媽响㕑房見到,叫盧雋唔好爬响地下做功課。

「唔係呀!我畫緊自己個樣呀!」

Monday, June 13, 2016

小學雞預備月

K3終於進入尾聲。學校在最後一個月為孩子們進行小一適應期。小一生活跟幼稚園分別很大,除了上課時間比幼稚園長很多,還有要自己帶茶點及水壼,用自己的書包,自己帶書帶筆袋等。

媽媽為盧雋準備好茶點,裝好了水,教盧雋自己收拾書包,然後便送盧雋上學。

盧雋背著爺爺之前送的蜘蛛俠大書包,大踏步走進幼稚園。快要離開幼稚園了,時間可否慢一點,讓媽媽享受多一點還帶著稚氣的盧雋。


Thursday, June 9, 2016

Popular

因為去星加坡旅行,媽媽錯過了學校家長日。

後來,由其他媽媽告訴我,老師說盧雋在學校很popular。

媽媽知道盧雋在學校最好的朋友是Caden同Anson,還有隔離班的Louis。不過聽到老師這樣說還是覺得很高興。

Wednesday, June 8, 2016

日出

是咁的。話說有個細路知道太陽响東邊升起,而我哋住東邊可以睇到日出,於是成日話要睇日出。不過因為阿媽太懶瞓,所以一直無同佢起身睇。

呢個細路今朝天未光瀨濕咗張床,叫醒咗我。我清理好之後,啱啱瞓著之際,又比個細路嚇醒番。我啱啱阿火上身之際:

「媽咪!你睇下,好靚呀!我睇到日出喇!」

今日多雲,好快已經見唔到個太陽,不過都好靚。我哋揾日天氣好D再睇多次。