膝頭有個白太陽

粗心大意的媽媽，今天讓盧雋受傷了。

話說今天早上我們到西貢市中心，媽媽落車交東西給別人，返去開車時盧雋旁邊的車門突然彈開，盧雋整個人跌出車外。

媽媽驚魂未定，盧雋已爬回車上大叫：「我無咗忽肉呀！」

媽媽一望，膝頭沒有流血，卻出現了個白色的圓圈。

媽媽見盧雋開始慌張，便大笑：「嘩！你跌到膝頭哥有個白色太陽出黎嘅！」

於是盧雋又要笑又要扁嘴：「我無咗忽肉呀！」

媽媽：「你無左層皮啫！無事！媽咪先同你清潔傷囗，然後黏膠布。」

其實，媽媽心痛極了。傷囗雖然沒流血，但應該是很痛的吧。不過，盧雋還是高興地過了一天。

晚上我們分享一天最快樂及最傷心的事。

「盧雋今日最開心係咩？」

「今日最開心係上話劇班玩鱷魚過河同A night in museum。」

「最唔開心呢？」

「無嘢唔開心！」

「係呀？媽咪最唔開心係盧雋跌損個膝頭喎！」

盧雋竟然甜甜一笑：「咁你最開心係咪我膝頭哥跌到變左個太陽呀？」

孩子的正能量要比媽媽強了！