我最鐘意睇電視

媽媽：「盧雋，你平時最鐘意做咩？」

盧雋：「睇電視！」

媽媽一聽大事不妙，在即將來臨的小一面試，這個純真的答案恐怕不太恰當。

於是媽媽問盧雋：

「你鐘唔鐘意游水？」

「鐘意！」

「你鐘唔鐘意跑步？」

「鐘意！」

「你鐘唔鐘意踼波？」

「鐘意！」

「你鐘唔鐘意玩Lego?」

「鐘意！」

「你鐘唔鐘意計數？」

「鐘意！」

「咁你都可以講其他你鐘意做嘅嘢㗎！」

盧雋扁扁嘴：「但係我真係好鐘意睇電視！」

媽媽深呼吸一口氣：「咁你當然可以話你鐘意睇電視啦，不過你鐘意其他嘢都可以一齊講。例如：我鐘意踢波、跑步、游水、砌Lego，仲有我鐘意睇電視添！」

盧雋滿意了，結果這變成了以後的標準答案。這答案不代表可以為你帶來一個學位，但明明就是個超好動的孩子，至少不要給人有毒男的印象吧！