長話短説，市民不滿政府，要罷工罷課走上街頭示威，然後警方用胡椒噴霧及催淚彈驅趕羣眾，當中有大部份只有十多歳的中學生。
媽媽看了心痛，不斷追看新聞。睡前，媽媽讓盧雋看了新聞片段。於是，盧雋又有十萬個為什麼。
盧雋：「點解要放催淚彈嘅？」
媽媽：「因為警察想趕走D示威人士，於是放催淚彈嚇佢哋，等佢哋隻眼好痛，睇唔到嘢。」
盧雋：「點解D警察係bad guy嘅？」
媽媽：「佢哋係做錯咗，等於盧雋唔聽話，媽咪會細細力打pat pat打手板，但會唔會整到盧雋隻眼好痛睇唔到嘢？」
盧雋：「唔會！」
媽媽：「咁如果盧雋好曳，激到媽咪好嬲，真係整到你隻眼不停喊，睇唔到嘢，咁我係咪Bad guy?」
盧雋：「係，所以你唔可以咁整我，如果唔係你變bad guy。」
媽媽：「咁所以你要聽媽咪話，如果唔係媽咪會變巫婆，然後食咗你！」然後一口咬落盧雋的屁股，兩母子笑作一團。
今天早上，我們帶Wonka上廁所，只短短五分鐘，我們便滿身大汗。媽媽記掛著留守金鐘暴矖的學生們，想要把盧雋送返學後把水送到現場。於是跟正在玩火車的盧雋說：
「媽媽想要同你做一樣嘢，你記唔記得尋晚同你講嘅示威人仕？依家好熱，媽咪想買D水送去比佢哋，你會唔會陪媽咪買？」
「好啊！買完送去比佢哋？」
「你陪媽咪買，然後你返學，媽咪同朋友去送。」
「但係我都想去送水。」
「但係你要返學嘛！媽咪應承你影D相比你睇好唔好？」
「好。咁比催淚彈整親果D人睇唔到嘢，係咪會有人餵佢哋飲水㗎？」
「係喎！不過佢哋清潔咗對眼今日應該好番好多，自己可以飲㗎嗱！」
對於孩子，這件事太複雜。媽媽盡量嘗試讓你明白一點點。不過對話中發現，盧雋都可以好熱心同細心。
No comments:
Post a Comment