Stick Ant

早幾日放學返屋企，落車嘅時候盧雋望住個地好耐，然後大叫「stick ant！我響電視見過㗎！」

媽媽走到盧雋身邊，見到一條有腳嘅樹枝緩緩移動，今日都係媽媽第一次見到竹節蟲。盧雋好興奮，不停話今次係佢第二次見stick ant，第一次響電視，第二次係今日。

不過後來我們再出去接爸爸嘅時候，發現竹節蟲不動了，應該死了。

竹節蟲就咁靜靜地瞓咗響我哋架車側邊。於是盧雋每次經過都要望一陣。媽媽見盧雋心痛竹節蟲，於是叫佢同竹節蟲講要響天堂玩得開心D呀！

今日，返屋企果陣盧雋又照常望下隻竹節蟲，媽媽就響車尾箱攞嘢。然後盧雋突然抬起頭，一邊用手抹嘴，一邊同媽媽講「我錫咗Stick ant一啖。」

好可愛的孩子，但係可唔可以唔好鍚地上面嘅嘢呢？

後來媽媽發現竹節蟲嘅屎據說可以醫腸胃病，不過你唔肚痾我就已經偷笑喇！