媽媽變成了談判專家

盧雋再過兩個月多便兩歲了，現在開始很有主見（主見是形容得太好了吧，其實是唔聽話）。得不到想要的便扭計，為免你經常哭鬧，又不想你太放縱及太容易得到想要的，現在我們經常會有以下對話：

公園裡
媽：盧雋，我哋要返屋企喇！
雋：（大力搖頭）
媽：好啦，我哋玩多一次滑梯然後走嗱！
雋：（更大力搖頭）
媽：媽咪打算返屋企睇Y（你最近熱愛的Sesame street Y song)喎，你要唔要睇呢？
盧雋開始有點猶豫，但媽媽已經拖起你的小手走了，並同時把小蛋糕塞給你，讓你覺得自己很忙碌。

晚上玩具房裡
媽：盧雋，飲奶瞓覺。
雋：（大力搖頭）
媽：好啦！咁我哋一齊執玩具然後瞓覺啦！
盧雋沒有反對，也幫手一齊執，但執到一半又倒返晒出嚟。媽媽再把倒出來的玩具執好，然後熄燈，入睡房。盧雋隔一陣入埋嚟乖乖的飲奶。

飲完又在床上跳來跳去。

媽：盧雋，瞓覺！
雋：（大力搖頭，繼續跳）
媽：媽咪同你講個故事，好唔好？
雋：（大力搖頭，繼續跳）
媽：我哋一齊睇Y，好唔好？
雋：（點頭）
媽：不過只可以睇一次，睇完要瞓覺喇！
雋：（點頭）

然後大家一齊睇Y。睇完一次要再睇，媽媽再給盧雋睇一次然後熄燈，盧雋便乖乖的自己蓋好被瞓覺。

也有許多談判失敗的個案，當談判失敗時，而你又真是太野蠻的話，便要到Naugthy corner罰企了。當然媽媽要跟你談判就得有條件，都就是一些無傷大雅的事情，例如：睇YouTube兒歌、食朱古力、提子或蕃茄、奶咀（對，它又回來再次成為盧雋的瞓覺恩物）等等，媽媽便視乎情況再開出交換條件。

最近媽媽玩談判玩得不亦樂乎，談判成功可以自己樂上半天。因為盧雋，媽媽成了個厲害的談判專家！