盧雋：「㸃解曾俊華咁受歡迎都唔可以做特首？」（話說曾生同我哋個鄰居鄭生好似樣，所以盧雋好鐘意佢）

媽咪：「因為有好多鐘意佢嘅人無得投票。」

盧雋：「但係我覺得林鄭月娥係壞人喎。」

媽咪：「點解你咁講？」

盧雋：「因為佢響電視話有好多人支持佢，但係其實好多人唔鐘意佢。」（話說佢同我哋一齊睇論壇見證佢D嬲嬲上到個鼻到）「咁㸃解佢會選到？」

媽咪：「可能有得投票嘅人覺得林鄭月娥會幫到佢哋囉。」

盧雋：「但係佢係壞人喎。」

媽咪：「其實我哋未知㗎，佢係咪壞人要睇佢跟住嘅5年可唔可以幫到香港，所以我哋都要比個機會佢試下。咁你覺得凈係得千二個人投票有無問題？」

盧雋：「有㗎，唔公平囉。」

世界太複雜。無得投票，我們可以做的還有不把仇恨偏見帶給孩子，教導他們有分辨是非的能力。