紀念册

學期將要結束，盧雋每天都收到幾張紀念册纸。到最後，一共有十三張。還要是那種非常小學生的要你寫下班中最時髦最帥氣最風趣最超人氣的同學名字，還有一系列港姐問題如如果你有一個長假期你想怎樣運用再加你最愛的顏色音樂牌子運動地方甜品科目及食物等。相信成年人都要廿分鐘才完成。

對不起，媽媽覺得幼稚園畢業要寫紀念册真的十分無聊。媽媽的童年，小學畢業才會寫紀念册，還是因為生於沒有面書的年代，要記下通訊方法，就是紀念册。這個年代，要保持聯繫太容易，沒有友誼，寫下一紙紀念册也不會友誼永固。

一開始媽媽便打算叫盧雋盡自己能力完成，不明白留白便可以了。本來每天寫一兩張也不是難事，但盧雋一直不肯寫，終於來到最後一天。原本我就不贊成要寫，可是做媽媽可不能鼓勵孩子不負責任，帶得回來，便要負責。

媽：「如果你唔寫，不如你比番D同學仔，話比佢哋，唔好意思，我無時間寫。」

雋（想了一想）：「唔好」

媽：「咁就要寫㗎喇，因為你應咗人啦嘛。」

雋：「但我真係好攰嗱。」

媽：「咁啦！媽咪幫手剪相，你寫字啦，寫低你想寫嘅資料啦。」

雋：「好！」

媽：「咁下次你識say no喇，呢D唔係學校要做嘅嘢，如果真係唔想做，可以唔做。你同佢講唔好意思，我無時間寫，如果以後想揾我可以打電話比我，不如交換電話呀！」

於是，兩人花了一個早上怱怱完成。