Wonka昨晚留院進行第四次輸血，今天下午要抽骨髓化驗，要留院兩天。抽骨髓化驗因為要打麻醉針，有一定風險。打痲醉針前有一段時間，醫生本來希望Wonka留在醫院休息，不過在媽媽堅持下，把Wonka帶走，然後跟Wonka一起送盧雋返學才回醫院去。因為媽媽想讓Wonka在住院期間也參與家𥚃的日常，就跟平日沒有兩樣，便不會覺得自己一直在病。

我們回家接盧雋，一上車Wonka便立刻把頭放躺在盧雋的大脾上。媽媽把Wonka今天的在醫院的事告訴盧雋。

「盧雋，Wonka今日要抽骨髓做化驗，睇下佢個身體做唔做到血。」

「咁痛唔痛㗎？」

「醫生會幫Wonka打麻醉針，打完就唔痛㗎嗱。」

「咁支針痛唔痛㗎？」

「好似比蚊咬咁啦。不過Wonka真係好叻㗎。」

「Wonka你要快D好番，我哋一齊去玩。」