結婚

媽媽：「盧雋大個想做咩？」

盧雋：「我大個要做一個爸爸。」

媽媽：「咁你要生一個細路喎！」

盧雋：「唔係我生，係個媽咪生。」

媽媽：「即刻你老婆？咁你要結婚先。」

盧雋：「係呀！我會同Vian結婚㗎。」

媽媽：「你同佢傾好咗喇？」

盧雋：「未呀。不過佢都鐘意我㗎。」

媽媽：「你又知？」

盧雋：「佢成日對住我笑㗎。」

媽媽：「佢好知對住每個人都笑㗎喎。咁如果佢最後唔肯同你結婚，你會唔會好唔開心㗎？」

盧雋：「唔會！我可以同第二個人結婚㗎嘛。」

媽媽：「咁係邊個呢？」

盧雋：「Danielle囉！佢成日都好想同我結婚㗎！」