油指甲的小男孩

盧雋昨天參加Faye的六歲生日派對，一如以往，派對結束後我們跟Faye的表弟繼續留下來讓孩子們繼續。

Faye的其中一份禮物是美甲套裝，於是兩男一女決定要輪流做美甲師油手甲。

最後盧雋得到十隻粉紅色的手指頭，舉起手跑來找媽媽問：「靚唔靚？」「靚！」

於是盧雋一整天把手指頭張開，小心翼翼不要把指甲弄花。晚上洗澡時，媽媽要把指甲油洗掉，盧雋不肯。

「盧雋，媽咪唔知學校比唔比油指甲返學，因為我無見到其他小朋友油，所以如果老師話唔比，你就要洗甩佢㗎嗱！」

「知道！」

「仲有，如果你要油指甲返學，可能會有其他小朋友笑你。」

「呢個係secret嚟，我唔會比佢哋睇到。」

（心諗有咩理由睇唔到呢？）「咁如果佢哋睇到又笑呢，你唔洗理佢哋，你話比佢聽唔係淨係女仔先可以油指甲，男仔都可以！」

媽媽不希望盧雋因為做自己想做的事而令小小心靈受傷害，日後因別人的眼光而不去做自己認為對的事，於是給你打了個底，至少讓你知道媽媽是支持自己的。

不過媽媽還是好奇，把指甲塗成粉紅色的小盧雋會在學校遇上什麼事呢？

放學後，盧雋笑著跑出來，給我看你的指甲「我洗甩咗。」「點解？」「老師叫㗎。」「同學有無問你D指甲？」「有呀！佢地笑呀，我話男仔都可以做女仔嘅嘢，但係佢哋唔聽！」

然後開開心心跟善榛一起跑開了。