決定咗要買之後，就要決定要買嘅尺碼。原本媽媽係主張買啱身嘅，因為盧雋大得比較慢，啱身嘅通常都仲可以著好耐。但諗起屋企仲有三對波鞋，全部一樣尺碼，於是決定買大一個碼。
買完之後，媽媽先收好，打算遲少少再拎岀嚟。點知後來都係忍唔住拎咗岀嚟比盧雋睇。一如媽媽所料，盧雋好鐘意對鞋。自此，盧雋連夏天最鐘意著嘅拖鞋都唔著，岀街一定要著McQueen鞋。
老師見到盧雋因為對鞋太大成日跌倒，告訴媽媽。於是媽媽今日將McQueen鞋收起，將其他三對波鞋拎岀嚟比盧雋揀。但係盧雋一定要著McQueen鞋，媽媽氹咗好耐都唔肯著，媽媽想要嚇一下盧雋扮關門入屋，點知盧雋發脾氣大力推門，媽媽一怒之下打了盧雋的掌心一下。
於是盧雋怕了，乖乖地邊穿上Thomas鞋邊說：「我鐘意媽咪！」媽媽心諗：「鐘意媽咪點解唔聽媽咪話？」然後帶盧雋上車。
路上，盧雋有講有笑，好似忘記咗件事一樣。不過媽媽掌心嘅微痛，搞到連個心都隱隱作痛。媽媽知道盧雋返咗學果六個半鐘，我一定好後悔同難過。
將盧雋送到學校，回家路上，忍不住又折返。McQueen鞋就響車上，於是媽媽將鞋送到班房。
盧雋見到媽媽及McQueen鞋，先是一呆，然後笑了，抱抱媽媽一下才把鞋子穿上。然後好朋友Joseph跑出來，身上穿的竟然係McQueen閃閃衫。他也笑了，指著自己的衫及盧雋的鞋說"The same!"媽媽鬆了一口氣：好彩返轉頭。
媽媽將Thomas鞋放響學校，向老師解釋了，假如去Playground玩嘅話，可以試下叫盧雋換鞋。但係如果盧雋寧願跌倒，都要著靚鞋，只要玩得開心便可以了。女人著高踭鞋何尚唔係一樣道理？
不過媽媽知錯了，以後都係唔好再買大一個碼。（同埋其實只係需要一對鞋！）
No comments:
Post a Comment