聽日先啦

每當遇上不想做的事情，盧雋便會說：「聽日先啦！」

例如：

媽：「盧雋，食埋啖飯啦！」

盧（看電視中）「聽日先啦，好唔好呀？」

媽：「盧雋，我哋要出街嗱！」

盧（玩火車中）：「聽日先啦，好唔好呀？」

媽：「盧雋，刷牙瞓覺嗱！」

盧（玩iPad中）：「聽日先啦，好唔好呀？」

媽：「盧雋，痾尿要揸住啫啫！」

盧（小便進行中）「聽先啦，好唔好呀？」

而盧雋所問的「好唔好呀？」，其實係無得答「唔好！」嘅。