畢加索的畫

盧雋的畫風一直在變，最近變得很抽象，甚有畢加索的風。

十個從小就要教孩子的道理

這篇媽媽很喜歡，今晚跟你讀了一篇，以後也會不定時提點，希望能成為你成長的指引。

1.讀書跟玩都認真的人最酷

2.不怕麻煩的人能學到最多

3.不沉溺的人容易找到志向

4.有禮貌的人會得到幫助

5.聽內在聲音的人有智慧

6.能承認錯誤的人很勇敢

7.會分辨快樂的人易滿足

8.控制情緒的人能解決問題

9.懂感激的人才是真優秀

10.不抱怨環境的人最自由

青檸柑桔

就在我們家樓下，鄰居種了一棵青檸柑桔，鄰居鄭生鄭太人品好，邀請我們隨意採摘。

盧雋最喜歡摘柑桔。有時候，我們回家時會摘幾粒，加粒蜜糖，變成冬天潤喉暖胃佳品。

長大後，你會發現，小時候可以在家門前摘柑桔是一件幸福事。

因為媽媽是這樣覺得的。

兒童聖誕市集

今次係我哋第二次擺檔仔，上次開完檔已經諗住搵班小朋友聖誕搞個檔仔，咁啱見到奧海城同ohmykids搞聖誕兒童市集，收入一半捐助OSC，於是同朋友提起，佢好有興趣，於是一拍即合。

囝囝Jun喜歡縫紉，最鐘意將自己畫嘅公仔做成布娃娃。上次賣十隻布娃娃，我哋用咗5個月，今次只有個多月時間，所以諗住做D簡單嘢，用布碎做卡仔同紙品聖誕飾物。於是每個星期三放學後我哋約埋個朋友一齊做手作仔。後來盧雋個朋友仔Danielle剪剪下布想要做條手帶，於是有咗呢個做手帶嘅概念。

於是盧雋成個星期都響度做手帶，研究下點先做得靚，我是個極度沉迷於小孩子式的不完美的人，所以盡量比佢自由發揮，由得粒鈕釘得歪歪的，D線飛曬出嚟，只係比咗少少意見令效果好D。最後加埋盧雋嘅幻想力，響臨開檔前幾日終於比伌發明咗條超級無敵勁手帶，仲係條可以比小朋友即場自己畫隻獨一無二嘅手帶。於是我哋分工合作，響最後一日，大量生產，終於做咗見得下人嘅數量。

非常欣賞今次奧海城x ohmykids! 合辨嘅聖誕兒童市集。當日氣氛實在太好，每個檔仔都好好玩。原本打算比盧雋體驗做檔主嘅滋味，結果佢坐咗十五分鐘就忍唔住走咗去玩。不過因為佢之前真係好努力咁預備，響咁多誘惑當前，叫個五歳人仔又點忍得住唔玩？於是媽媽決定放佢假，由佢玩。

媽媽後來同盧雋做咗個訪問：

「請問你對於今次賣嘢有咩感想呢？」

「賣得出好開心，可以幫到多D細路仔！」

「你覺得今次乜野令你最開心呢？」

「可以同我D朋友一齊玩，仲有見到其他人鐘意我條手帶都好開心。」

小朋友好簡單，有得玩，幫到人，令人開心，自己就開心。作為爸爸媽媽，衷心的為孩子得到的那份成功感而高興。

惡夢

盧雋早上起來看著我扁扁嘴，然後話唔鐘意媽媽。媽媽問點解，盧雋話因為尋晚發夢，夢見媽咪話要帶盧雋去游水，不過要食埋D嘢先。

起床後，盧雋便一直生媽媽的氣。然後竟斷斷續續維持了一星期。每次一嬲都話「點解你要我食埋D嘢先去游水？」

細路，有必要為個夢嬲媽咪嗎？