這一對，實在太可愛❤️。

我都唔知

盧雋一向懶於思考，每次我們問問題，大部份時候都直接答「我都唔知。」

於是最近媽媽不停問問題，期望盧雋答「我都唔知」的次數會減少。

媽媽：「如果有一日，你發現媽咪原來係Spider-Man，咁你會點做？」

盧雋：「我都唔知。」

媽媽：「咁你會唔會將媽咪嘅秘密話比人知？」

盧雋：「唔會！」「淨係話比Megan知！」

OK！即係爸爸都唔會知！

媽媽：「如果響街唔見咗媽咪點算？」

盧雋：「我都唔知！」

媽媽：「唔知點算就以後都見唔到媽咪㗎喇喎！」

盧雋：「咁我去搵警察。」

媽媽：「你知我哋住邊咩？」

盧雋：「Itaewon.」

媽媽：「跟住呢？Itaewon邊度？」

盧雋：「跟住我都唔知！」

所以最後都係見唔到媽咪。

媽媽：「點解大笨象個鼻咁長？」

盧雋：「因為佢要吸䴤！」（自己大笑）「因為佢要將D污穢嘢噴落個身度。」

媽媽：「點解D花有咁多顏色？」

盧雋：「因為D蜜蜂要食honey。」

終於都無答「我都唔知」，是因為不是假設題嗎？

媽咪都唔知。

道別

我們在韓國的一年，盧雋認識很多好朋友。盧雋朋友的媽媽，也變成了媽媽的好朋友。孩子們合拍，媽媽們也極投契。

我們八月才離開，但大家放暑假都旅行去了。所以分別提早跟我們道別，所以這個星期都閃著淚光地過。

雖然我們經常居無定所，但慶幸在不同地方擦過的時候，都帶走了一段段的友誼。

而且我們知道這些朋友將會是我們日後不停旅行的理由。

Adelaide and mom Leighanne.

Maya and mom Noriko.

天下太平

究竟媽媽的童年都在玩什麼呢？

一張紙、一支筆、一隻手：天下太平是也！

膠布

這孩子在拯救海豚？還是在浪費膠布？